Kodumela 7 Teache’r guide

Kodumela ke ye nngwe ya dipukutatelano tša Leleme la Gae ye e ngwadilwego ka Sesotho sa Leboa/Sepedi. Puku ye e theilwe godimo ga dikokwane tša Setatamente sa Pholisi sa Lenaneothuto le Kelo (SEPHOLEKE) maikemišetšo e le go tiišetša Molaotheo. Nepokgolo ke go tloša mapheko tseleng ya morutwana le go ala magato a go fihla manamelelong a godimo a go ithuta Leleme la Gae bjalo ka leleme la semmušo. Puku ya Morutiši e tšweletša dikarabo le mehola ya go fapana ka nepo ya go hlahla morutiši ka tše di latelago: · Mokgwa wa go ruta wo o theilwego godimo ga setšweletšwa · Mokgwa wa go ruta polelo ka go e šomiša · Mokgwa wa go šomiša magato · Mekgwa ya go ruta dingwalo · Go logaganya thutapolelo le mabokgoni a mangwe